16
сентябрь
2022
«Үйірмелер көрмесі»
16 қыркүйек күні лицей ауласында «Үйірмелер көрмесі» өтті. Балалардың бос уақытын тиімді өткізуге арналған үйірмелер көрмесіне 8 секция қатысты. Олар: волейбол, баскетбол, футбол, дзюдо, дыбыс жазу, гитара, барабан және дебат.
Балалар үйірмеге аптасына екі рет қатысады деп жоспарланған. Олар үйірмеде арнайы жасақталған бағдарламалар бойынша оқып, өзіне ұнаған саланы мектеп қабырғасында-ақ меңгеріп шығады. Осы жылы үйірмелердің ішінде лицейімізде бірінші рет дыбыс жазу және барабан үйірмесі ашылды. Оқушыларымыздың бұл үйірмелерге қызығушылығы болды.
Әр оқушы үйірме жетекшілерінен үйірме және уақыты туралы сұрап, қалаған үйірмелеріне жазылды. Алдағы уақытта оқушыларымыз уақытын бос өткізбей, үйірмелерге қатысып, жарыстардан жүлделі орын алады деген сеніміміз мол.