Қазақстан Республикасының Тұңғыш Президенті – Елбасы Н. Назарбаевтың «Ел Үміті» және «Қамқорлық» бастамаларының форумы аясында «Елбасы медалі» және «Ел мақтанышы» премияларының иегерлерін салтанатты марапаттау рәсімі

2020 жылдың 14 желтоқсанында Қазақстан Республикасының Тұңғыш Президенті – Елбасы Н. Назарбаевтың «Ел Үміті» және «Қамқорлық» бастамаларын жүзеге асыру аясында ұйымдастырылған «Тәуелсіздік жолын жалғастырар ұрпақ» форумы өткізілді.

Форум аясында облыс орталығында Шығыс Қазақстан облысының әкімі Даниал Кенжетайұлы Ахметов «Ел мақтанышы» және «Елбасы медалі» премияларының иегерлерін салтанатты түрде марапаттады.

«Ел мақтанышы» премиясы жыл сайын ең беделді халықаралық пәндік олимпиадалардың жүлдегерлеріне табыс етіледі. Биыл «Ел мақтанышы» премиясы 11 жүлдегерге – еліміздің ұлттық олимпиадалық құрамасының мүшелеріне берілді. ШҚО-нан аталған премияны биыл екінші  мәрте  біздің түлек талантты да дарынды, халықаралық және республикалық олимпиадалардың бірнеше дүркін жеңімпазы және жүлдегері Байболов Темірланға табысталды. Темірланның ата-анасын және лицей ұжымын шын жүректен құттықтаймыз!