Еуропалық олимпиада (EGeO)-2024

2015 жылдан бері өткізіліп келе жатқан халықаралық географиядан Еуропалық олимпиада (EGeO) биылғы жылы 28 маусым-4 шілде аралығында Сербия Республикасының Белград қаласында өтті. Қазақстанның намысын қорғап,  жеңісті қолдан жібермей Қазақстан ұлттық құрама командасының жас географтары 6 медаль жеңіп алды. Бұл құраманың мүшесі болған лицейіміздің 9-сынып оқушысы Дарынов Амир КҮМІС МЕДАЛЬ иегері атанып, Шығыстың туын асқақтата түсті. Бұл үлкен жеңіс, үлкен жетістік деп айтсақ та артық болмас. Амирды, оның ата-анасын, лицей ұжымын  лайықты жеңістерімен құттықтаймыз! Алдағы уақытта тек ғана биік шыңдарды бағындыра беруіне тілектеспіз!