27
февраль
2025
БАЛАЛАРДЫҢ ҚҰҚЫҚТАРЫН ҚОРҒАУ ҮШІН "URPAQ" чат-боты
ҮРЕЙМЕН ӨТІП ЖАТҚАН КҮНДЕР: ТҰРМЫСТЫҚ ЗОРЛЫҚ-ЗОМБЫЛЫҚ ҚҰРБАНДАРЫӘрбір бала өмір сүру, қорғаныс және қамқорлық алу құқығына ие. Халықаралық келісімдерге қатысушы мемлекеттер балалардың қауіпсіздігі мен дамуын қамтамасыз етуге міндетті.
Алайда шынайы өмірде көптеген балалар күн сайын тұрмыстық зорлық-зомбылыққа ұшырайды. Қоғамның айыптауынан қорқып немесе қайда жүгінерін білмей, жәбірленуші мен олардың жақындары өз қиындықтары туралы үнсіз қалады.
Балалар құқықтары туралы конвенциясының 3-бабына сәйкес, әр баланың мүддесі бірінші орында болуы тиіс. Бірақ қанша бала көмек сұрауға батылы бармай жүр?
ШҚО-да балалардың құқықтарын қорғау үшін прокуратура бастамасымен «URPAQ» чат-боты іске қосылған. Ол 2024 жылдың наурыз айында Telegram мессенджерінде (@VKO_URPAQ_BOT) құрылды және зорлық-зомбылыққа немесе қауіп-қатерге тап болған балаларға көмектеседі. Үнсіз қалмаңыз – көмек қасыңызда.
#БалаларҚауіпсіздігі #ЗаңЖәнеТәртіп #БалаларҚұқықтары #ТұрмыстықЗорлық