2023 жылдың 2-3 желтоқсан күндері Алматы қаласында өткен "Математика, физика, информатика пәні мұғалімдерінің Х Халықаралық АҚТЫҚ шығармашылық байқауы өтті. Бұл байқауға лицейіміздің намысын қорғап, бақ сынап жүлделі ІІ орын алған математика пәні мұғалімі Әнуарбеков Тынышбек Сұлтанбекұлын құттықтаймыз! Алдағы ұстаздық жолында шығармашылық табыс пен жеңістер тілейміз!

Үшінші жыл қатарынан лицей оқушыларының ұйымдастыруымен "Тәлімгер" жобасы жұмыс жасауда. 1-желтоқсан күні "Хабар" агенттігінің ұсынысымен Мамай Батыр ауылында Ломоносов орта мектебінде  лицейіміздің 11-сынып оқушысы Матвеев Тимур осы жоба аясында 6-сынып оқушыларына ағылшын тілі пәнінен қосымша сабақ жүргізді.  Сонымен қатар, телеарна тілшілеріне өзі жайлы және "Тәлімгер" жобасының жұмысы туралы қазақ және орыс тілдерінде қысқаша ақпарат берді.

Қазақ халқының рухани мұрасын, салт-дәстүрлерін танымал ету, оқушылардың мәдениетін, эстетикалық талғамын, шығармашылық қабілеттерін дамытуды қолдау және жалпыадамзаттық және адал, саналы, жасампаз азаматтар тәрбиелеу мақсатында С.Аманжолов атындағы Шығыс Қазақстан университетінің базасында облыстық «Мәңгілік ел – болашаққа ұмтылған ел» белсенділер мен көшбасшылардың конкурсы өткізілді. 1-кезеңнің нәтижесі бойынша лицейіміздің төмендегі оқушылары дипломдармен марапатталды.  Есбол Ернар -І орын

2023 жылдың 28 қараша күні 8-11 сынып оқушылары арасында лингвистикадан республикалық олимпиаданың облыстық кезеңі өтті. Аталмыш олимпиадаға лицейіміздің 10-сынып оқушылары Қарымбаев Тоқтархан мен Дәулетқанов Сырым қатысты. Олимпиаданың қорытындысы бойынша Даулетқанов Сырым - 1 орынды, Қарымбаев Тоқтархан -2 орынды иеленді.  Оқушыларымызды жүлделі орындарымен  құттықтай отырып, табыс пен жаңа жеңістер тілейміз!

25 қараша күні лицейімізде кезекті "Достық-2023" ата-аналар спартакиадасы өтті. Бұл тартысқа әр сынып ата-аналарынан құралған 9 команда қатысты. Баса озып алға шыққан 10 "А" сынып ата-аналары "Бас жүлде" иегері атанды. Сонымен қатар, 1-орынды- 9"А" , 2 орынды -7"Б" , 3 орынды-11 сынып ата-аналары иеленді. Барлық жүлделі орын иегерлерін құттықтаймыз! Сыныптың намысын қорғап, белсенділік танытқан ата-аналарға алғысымыды айтамыз!

Сүйінші! 2023 жылдың 25 қараша күні өткен аймақтық баскетбол жарысынан лицейіміздің баскетбол командасы жүлделі І орынды қанжығалады. Жігіттерімізді жеңістерімен құттықтай отырып, республикалық тартыста сәттілік тілейміз!

2023 жылдың 22 қарашасында 9-11 сынып оқушылары арасында жалпы білім беретін пәндер бойынша республикалық зерттеу жобалар конкурсының облыстық кезеңі өтті. Конкурсқа барлық аудандар мен қаладан келген 200-ден астам оқушының ішінде біздің лицейдің оқушылары да қатысты. Облыстық кезеңнің қорытындысы бойынша командалық түрде 11-сынып оқушылары Ибраев Мирас пен Ахметов Әлішер - 2 орын, Қасенұлы Есжан мен Нұрланбек Ералы - 3 орын және 10-сынып оқушысы Алтынбек Нұрдәулет - 3 орынды иеленді.

"Алтын сақа" республикалық челенджінің тұжырымдамасына сәйкес 2023 жылдың 17  қарашасында лицейімізде "Бес табан", "Бес асық" ұлттық ойындары ойнатылды. Қазақ халқының бұл ұлттық ойындары оқушыларға тарихи-мәдени мұрасын құрметтеуді қалыптастыру, батылдыққа, төзімділікке тәрбиелеу, ептілікті, қырағылықты және дәлдікті дамытуды мақсат етеді. #төрттоқсан-төртөнер #2тоқсан #алтынсақа 

Шығыс Қазақстан облысының оқушылары арасында шахматтан "Ақбозат" ұлттық мектеп лигасында 9-11 сынып арасындағы жарысқа қатысып, жүлдері орындарды иеленген төмендегі оқушыларымызды құттықтаймыз! Әбдікәрімов Райымбек - 1 орын, 9-сынып,  Құрманбаев Санжар - 1 орын, 10-сынып, Дәулетқанов  Сырым - 1 орын, 10-сынып.  Сонымен қатар, Өскемен "БІЛІМ-ИННОВАЦИЯ" лицейі жалпыкомандалық есепте І орынды иеленді.

Тек қана оқушылар емес,  мұғалімдер арасында да өткізілген бұл шара қатысушыларымызға ерекше көңіл-күй сыйлады. Лицейіміздің қабырғасында  ұстаздар арасында кезекті "Brain Rain" интеллектуалды ойыны өтті. Ұстаздардан құралған 4 команда тартысқа түсті. Сол команда мүшелері ретінде "Білім берудегі өзгерістердің 1000 көшбасшысы" жобасы аясында лицейімізге жолдама алып келген тағлымдамадан өтетін үміткерлеріміз де қатысты.